Scheme-Kind
Bladsy 13 · Volledige gedig
Ek het vi jare soe geskryf
lat mense kon agterkom
ek is geleerd
Djy sien, ek was die eerste een
wat weggegaan het om iets
te maak van my liewe
Maar nou wat ek dit gemaak het
is ek middle class en my mense
working class?
Ek’s confused want ek wietie
lekke waar ek inpas nie
tussen whiteys praat ek skoon
Afrikaans
By my ma se RDP-huis praat ek
soes ek opgegroei het
djy en djou
en soms hoor ek, djou mase!
My ma sê altyd
moenie vergiet waarvan jy kommie
ek doenie
want al is my credit card goud
al is my flat in die dorp uitgesort
al hang daar ’n degree teen my muur
al bereik ek wat
dit sal ek bly
’n Kind vannie Scheme
Vergifnis
Bladsy 73 · Volledige gedig
Ek moes leer
hoe om ander te vergewe
ek moet nog net die kuns
leer
om myself ook te
vergewe